देशसमाचारशेयर

नेप्से झन्डै ३६ अङ्कले घट्याे

काठमाडौं, बैशाख ५ – हप्ताको पहिलो दिन शेयर बजार परिसूचक नेप्से झन्डै ३६ अङ्कले घटेको छ । कारोबार भएका सबैजसो समूहको शेयर ओरालो लागेपछि नेप्से ३५ दशमलव ८९ अङ्कले घटेर २६ सय ९९ दशमलव ५१ विन्दुमा झरेको छ ।

आइतवार बैंकिङ समूहको शेयर ३३ अङ्कले, विकास बैंक समूहको ४८ अङ्कले, व्यापारको एक सय २५, होटल तथा पर्यटन समूहको झण्डै ९३ अङ्कले, जलविद्युतको ३२,  फाइनान्सको १६, माइक्रोफाइनान्सको ५०, जीवन बीमाको एक सय ११, निर्जीवन बीमाको एक सय ८३,  उत्पादनको ६७ र अन्य समूहको शेयर २१ अङ्कले घटेको छ ।

आइतवार दुई सय सात कम्पनीका एक करोड ९५ लाख कित्ता शेयर आठ अर्ब ८० करोड रुपैयाँमा किनबेच भए । सबैभन्दा धेरै एभरेस्ट बैंकको ८७ करोड ६२ लाख रुपैयाँको शेयर किनबेच भएको  छ ।

आइतवार गुडविल फाइनान्सको शेयर सबैभन्दा धेरै पाँच प्रतिशतले घटेको छ । समग्र बजार घटे पनि महिला लघुवित्त, ज्योति लाइफ इन्स्योरेन्स, दिव्यश्वरी हाइड्रो र नेपाल हाइड्रो कम्पनीको शेयर नौ प्रतिशतभन्दा धेरैले बढेको छ ।

Share this:
Show More

Related Articles

Leave a Reply

Your email address will not be published. Required fields are marked *