Logo

३२ असार २०८१, सोमबार

सामाजिक सञ्जालमार्फत बालबालिकालाई हानी पुुगेकोमा मेटाका मालिक जुकरबर्गले माफी मागे


नौलो न्युज


काठमाण्डौ – सामाजिक सञ्जाल फेसबुक र इन्स्टाग्रामको सञ्चालक कम्पनी मेटाका सीईओ मार्क जुकरबर्गले सामाजिक सञ्जालबाट हानी पुगेका बालबालिकाका परिवारसँग माफी माग्नुभएको छ । अमेरिकी संसद सिनेटमा सुनुवाइका क्रममा आक्रोशित भएका परिवारसँग जुकरबर्गले बालबालिकालाई पर्न गएको असरप्रति माफी माग्नुभएको हो ।

सांसदहरुले जुकरबर्गसँगै टिकटक अर्थात एक्स, स्न्याप, र डिस्कोर्डका मालिकहरूलाई पनि अनलाइनमार्फत हुने हिंसा र अपराधबाट बालबालिकालाई कसरी जोगाउने प्रयास गरेका छन् भन्नेबारे प्रष्ट पार्न लगाएका बीबीसीले जनाएको छ । उनीहरुले बालबालिकाको सुरक्षामा केन्द्रित हुन विभिन्न प्रविधिका मालिकहरुसँग आग्रह गरेका छन् ।

पाँच वटा प्रविधि कम्पनीका मालिकसँगै बसेका अभिभावकले आफ्ना बच्चाहरूले प्रविधिमार्फत् भोग्नुपरेका समस्याबारे जानकारी गराएका थिए । सबैभन्दा बढी फेसबुक र इन्स्टाग्राममार्फत् समस्या भएकाले त्यसका मालिक जुकरबर्ग जिम्मेवार रहेका सांसदले बताएका छन् । जुकरबर्गले अब कसैले पनि यस्तो समस्याबाट गुज्रनु नपर्ने गरी काम गर्ने र प्रविधिलाई सुरक्षित बनाउने प्रतिबद्धता व्यक्त गर्नुभएको छ ।


प्रकाशित मिति: १८ माघ २०८०, बिहीबार ११:४८

प्रतिक्रिया दिनुहोस्