Logo

३२ असार २०८१, सोमबार

नारायणी नदीमा २२ वर्षयताकै धेरै पानी


Shova jour


नवलपरासी – नारायणी नदीमा २२ वर्षयताकै सबैभन्दा धेरै पानी बगेको छ । आज बिहान ६ बजे चार लाख ३६ हजार क्युसेक पानीको बहाव मापन भएको छ । सन् २००२ मा नारायणी नदीमा चार लाख २९ हजार क्युसेक पानी बगेको थियो ।

त्यसबेला नारायणीको बाढीले त्रिवेणीको ठठिया खोलानजिक बांध बगाएर गाउँमा पसेको थियो । नदीमा भइरहेको उच्च बहाव जोखिमपूर्ण अवस्थामा पुगेपछि त्रिवेणी ब्यारेजको सबै ३६ वटा ढोका खाेलेर पानी बगाइएको छ ।

यस वर्ष मनसुन शुरू भएपछि नारायणी नदीमा पहिलो पटक पानीको बहाव चार लाख क्युसेक नाघेको हो । हिजो दिउँसो १२ बजे एक लाख ६१ हजार क्युसेक र दिउँसो २ बजे दुई लाख १८ हजार क्युसेक पुगेको थियो ।

बाढीका कारण नारायणी नदीको तल्लो तटीय क्षेत्र जोखिममा छ । सुस्ता गाउँपालिकाको वडा–३, ४ र ५ का स्थानीय बासिन्दा धेरै जोखिममा छन् ।


प्रकाशित मिति: २४ असार २०८१, आईतवार ०९:२१

प्रतिक्रिया दिनुहोस्